naskah drama bahasa. sunda si kabayan

-
Naskah Drama Basa Sunda
Kabayan Ngala Nangka (edited by me)
Drama sunda komedi untuk 5 orang.

Nyi Iteung, pamajikanana Kabayan teh nuju hamil ngora. Manehna teh ngidam hoyong pisan Nangka, tapi si Kabayan nu dasarna kebluk, tara daek ngala Nangka. Dina hiji isuk, Iteung nyamperkeun Kabayan nu keur sasarean di bale hareupeun imah.

Iteung                   : (Ngagangguan Kabayan) Kang, hayu atuh pang alakeun Nangka kanggo Iteung!
Kabayan               : (Melek hiji soca, langsung sare deui) Haduh, Nyai, engke weh nya, isukan. Akang teh tunduh keneh!
Iteung                   : (Ngambek) Huh, si Akang mah teu sayang ka Iteung!
Kabayan               : (Ngorok)
Saking keheulna, Nyi Iteung angkat ka bumi emakna Kabayan. Sanepina di bumi emakna Kabayan.
Iteung                                   : (Lumpat sabari ceurik langsung nangkeup emak) Emaaakkkkk....
Emak Kabayan   : (Reuwas) Eleuh-eleuh, aya naon ieu, Nyai?
Iteung                   : Eta, Ma! Si Kabayan! Kuring teh ngidam, hoyong pisan Nangka, tapina manehna tara daek pangalakeun!
Emak Kabayan   : Geus tong ceurik atuh! Keun weh, Emak nu ngomong ka si Kabayan!
Emak sareng Iteung balik ka imah Kabayan. Sanepina di imah Kabayan, Emak sareng Iteung ningali Kabayan nu sare keneh dina bale.
Emak Kabayan   : Heh! Kabayan, kebluk! Hudang sia!
Kabayan               : Naon sih mak? Isuk-isuk geus adat-adatan!
Emak Kabayan   : Maneh teh kumaha sih! Geus nyaho si Iteung keur hamil, ngidam Nangka! Lain mah diturutkeun kahayangna! Malah gogoleran teu puguh!
Kabayan               : Heueuh mak, sakedeung deui dipangalakeun!
Emak Kabayan   : Buru! Ayeuna geura mangkat neangan Nangka! Nu kolot nya, Nangkana!
Kabayan               : (Hudang) Heueuh! Kuring mangkat ayeuna lah!
Kabayan mangkat neangan Nangka. Tapi Kabayan teu terang, tangkal Nangka nu keur buahan teh dimana. Sapanjang jalan, manehna luak-lieuk neangan Nangka. Akhirna manehna manggih hiji tangkal Nangka nu buahna leubeut.
Kabayan               : Hahhh! Akhirna kuring manggihan Nangka! Karolot deui Nangkana!
Kabayan langsung naek ka tangkal Nangka nyokot hiji Nangka nu pang kolotna. Teu lila anu boga kebon datang. Kabayan langsung turun ti tangkal Nangka.
Kabayan               : Haduh kumaha ieu! Nyi Ndit datang! Mana kacida galakna deui!
Kabayan lumpat ka ragasi nu aya di tukangeun kebon. Kabayan malidkeun eta Nangka.
Kabayan               : Nangka, jung balik tiheula nya! Kuring rek kabur heula!
Nangka teh kabawa palid ku cai, teu lila, nu boga kebon datang.
Nyi Ndit                : Heh! Sia keur naon di kebon aing! Maneh rek maling?
Kabayan               : Henteu Nyai.
Nyi Ndit                : Ah sia! Alesan wae! Ngaku weh ari rek nyopet mah!
Kabayan               : Bener Nyai, teu bohong!
Nyi Ndit                : Demi naon sia, Kabayan?
Kabayan               : Demi Nyi Iteung, Nyai!
Nyi Ndit                : Alah, sia! Nyopet mamawa ngaran pamajikan! Hayu milu jeung urang! Urang ka imah Pa RT!
Kabayan               : Duh, nyai! Ulah atuh! Bener abdi teh teu nyopet! Sok mana barang buktina!
Nyi Ndit                : (Mariksa Kabayan) Heueuh geuning, euweuh! Jung geura mangkat, sia! Ulah kadieu deui!
Kabayan               : (Lumpat) Dadah, Nyai!!
Kabayan balik ka imahna. Dipapag ku Emak jeung Iteung.
Iteung                   : Euleuh, akang! Tos dongkap?
Emak Kabayan   : Meunang teu Nangka teh?
Kabayan               : Meunang atuh, mak! Kolot jeung gede deuih!
Iteung                   : Mana atuh Nangkana, Kang?
Kabayan               : Hoh? Can nepi eta Nangka?
Emak Kabayan   : Hah? Nepi kumaha, Kabayan?
Kabayan               : Si Nangka teh dipalidkeun, dititah balik tiheula ku kuring! Geuningan can nepi? Apan eta Nangka teh tos kolot, piraku teu nyaho jalan balik!
Iteung                   : Heueuh nya, Kang! Eta Nangka teh geuning teu nyaho jalan balik!
Emak Kabayan   : Ari sia! Ku belet-belet teuing, Kabayan! Maenya Nangka bisa balik sorangan! Teu hideng!
Kabayan : Yeuh, si Nangka nu teu hideng mah, Mak!
Emak Kabayan   : Hah, ngimpi naon, kuring teh boga anak belet kos sia!
Emak langsung mangkat. Kabayan sareng Iteung, ngantosan eta Nangka di sisi ragasi, tapi Nangkana teu datang-datang.



Comments

Post a Comment

Popular posts from this blog

Hubungan antar formasi di Peta geologi Lembar Surakarta dan Giritontro

-
Peta geologi lembar surakarta dan giritontro pada no lembar surakarta 1408-3 dan gritontro no 1407-6 yang dibuat dengan skala 1:100000 oleh surono, B. Toha dan I Sudarno Pada Tahun 1992. Batuan Tertua tersingkap Pada Formasi Malihan KTm Yang Berumur Pertengahan Kapur Sampai dengan pertengahan Paleosen. Pada Formasi Ini Terdapat Macam-Macam Batuan Seperti Sekis, Pualam Batuan Gunungapi Malih. Sedimen Malih dan Batu Sabak. Formasi Malihan (KTm) ditindih Oleh Formasi Wungkal Gamping (Tew) Yang Berhubungan Tidak Selaras. Formasi Wungkal Gamping (Tew) Berumur awal Eosen sampai Akhir Eosen. Pada Formasi ini terdapat Batuan seperti Batupasir, Napal Pasiran, Batulempung dan Lensa Batugamping. Formasi Ini Ditindih oleh Formasi Kebobutak (Tomk) dengan hubungan tidak selaras.
Read more

Pemrograman Web dan Cara Kerja Browser

-
Image
Assalamu’alaikum WR. Wb Kali ini saya akan berbagi sedikit ilmu mengenai Pemrograman Web. Oke langsung saja kita masuk ke materinya. Sebelum jauh tentunya kita harus tahu terlebih dahulu apa itu pengertian Pemrograman Web. Pengertian Pemrograman Web Menurut Wikipedia Pemrograman Web berasal dari dua kata yaitu pemrograman dan Web. Dimana pemrograman berarti proses atau cara pembuatan program, dan web adalah jaringan komputer yang terdiri dari kumpulan situs internet yang menawarkan teks dan grafik dan suara dan sumber daya animasi melalui protokol transfer hypertext. Kebanyakan orang mengenal web dengan istilah WWW atau World Wide Web, dimana setelah ditemukannya layanan WWW sekarang website dapat dikenal luas oleh seluruh dunia.
Read more